Kommunistische Partei der Tschechoslowakei

D Kommunistischi Partei vo de Tschechoslowakei tschechisch: Komunistická strana Československa (KSČ oder KPČ) isch e kommunistischi Partei in de Tschechoslowakei und Mitglied vo de Kommunistische Internationale ksi. Vo 1948 bis 1989 isch sie d faktischi Machthaberin in der Tschechoslowakei ksi.

Nach enere schwäre Phase i de Zit vo de Erste Republik, wo de Klement Gottwald 1929 d Partei bolschewisiert hät und si dorum vili Mitgliider verloore hät, und em Verbot i de Nachmünchner Tschechoslowakei 1939, isch d Führig vo de Partei nach Moskau geflohe. 1946 hät d KSČ i de Wahle vo 1946 über 40 % erhalte und hät 1948 im Februarumsturz d Macht im Land übernoh. 1960 hät si e neui Verfassig verkündet und hät somit d Tschechoslowakischi Sozialistischi Republik gründet. In de 1960er Joor het d Partei Reforme iigfüert, wo 1968 under em Alexander Dubček im Prager Früelig gipflet häi. D Staate vom Warschauer Pakt häi im August 1968 militäärisch interweniert und d Reformiste gstürzt. Under em Gustáv Husák si d Reforme rückgängig gmacht und d Reformer verfolgt worde. 1992 isch d Partei ufglöst worde, aber scho drei Joor spööter isch e nöiji kommunistischi Partei gründet worde, wo die alti politischi Ornig wider will härstelle.